MIT'N FROSCH IM HOIS (Spider Murphy Gang)

   A

I woas net wos i s los mit mir,

daß i mi oiwei so blamier

Mögn dat i scho, doch meistens wird nix draus

Jedsmoi wenn i obandln wui,

hob i im Mogn a saudumms Gfui

Dann steh i do und bring koa Wort net raus

Zum Beispui sitz i im Cafe,

i hob scho zoit und wui grod geh

Do sig is sitzn schee wia d'Lorelei

A so a Hos, mei liaba Specht,

i ruck ma mei Krawattn zrecht

Und denk, de lodst glei auf a Cola ei

                     F            A                       A-H-Cis-C  D7

Ja und dann, ja und dann, ja und dann

Steh i vor ihr, a mit'n Frosch im Hois

und Schwammerl in de Knia

A mit'n Frosch im Hois und Schwammerl in de Knia

Auf d'Nacht um oans ruaft mi d'Gabi o,

weils einfach net eischlaffa ko

Und frogt, schaugst auf an Sprung bei mir vorbei

Des laß i ma net zwoamoi sogn,

i ziag mi o und start mein Wogn

und buit ma hoit scho wieder woas Gott wos ei

Fünf Treppn steig i nauf zu ihr,

außer Atem klopf i an der Tür

Und weils scho offen steht, geh i hoit nei

Ja, d'Gabi sitzt aufm Kanapee mit am hauchdünna Negligee

Und schenkt ma glei an Whisky-Soda ei

Ja und dann ...

Hey, Doktor, sog, wos mach i bloß,

i werd den Frosch einfach net los

Gibts denn für so an Foi koa Medizin

Da Doktor schaua in Hois ma nei und sogt,

ja mei, des hamma glei

Hot ma sofort a guats Rezept vaschiebn

Ja und gestern hob is glei ausprobiert,

bin in a Disco neimaschiert

Und reiß ma glei an Superhosn auf

Dann fahr is mit meim Schlittn hoam

um hoibe drei nach Berg am Loam

Sie frogt, kummst auf an Kaffee zu mir nauf

Ja und dann ...